Paquita la del Barrio (memoria feminista)
Francisca Viveros Barradas, conocida como Paquita la del Barrio, ye una cantante méxicana. Nuna sociedá y nun estilu música ultramachista esta muyer atrévese a subir a los escenarios y dende les sos canciones denunciar los maltratos, les actitudes machistes, a dicir a dalgunos homes que nun farden tanto que nun tienen de qué, a denunciar el tratu de xueces hacía les muyeres que denuncíen violencia machista, a increpar a la xente que mira pa otru llau frente al maltratu, a romper cola ideoloxía social que mos diz que les muyeres somos débiles, a llamar a l'autodefensa de les muyeres. Creo qu'hai que ser mui valiente.
Esta frase ye'l títulu y una parte d'una de les sos canciones, onde llama a nun tener mieu y enfréntase al maltrataor, d'esa canción salió fae tiempu un cartelu d'autodefensa feminista que titulé "Colo que tengas na mano" y que cada pocu glaya dende les parés d'Asturies escontra la violencia machista.
N'Asturies, el grupu musical Sartenazo cerebral tien una versión mui bona de la so famosa canción Rata de dos patas.
